hiligaynon blues

Kahimtangan

By: Dalisay

Naga-dulum na,

Nagapalapit na ang gab-i...

Nagasakay ako upod sa akon tiyo,

Sa iya salakyan papuli.

Mahipos sa sulod sang salakyan,

May problema, makapoy.

Samtang nagalantaw ako sa bintana,

Nakita ko ang isa ka salakyan nga pribado

Nga gulpi lang nag liko

Kag dutayan lang nabunggu-an

Ang isa ka traysikad.

Naghibi ako kag na-akig.

Nasubu-an ako

Sa kahimtangan sang traysikad drayber.

Na-akig ako

Sa mga tawo nga ara sa poder.

Nagyuhum ako...

Magabato ako,

Magabato kita!

p.s.

Pasensya, sang high school ko pa ni gin sulat. Una nga testing sa Ilonggo nga Literatura. Proud gid ako sa tula nga ni, amu na nga nag desisyon ako nga una sya nga ibutang sa akon nga blog. Para abi sa akon mabudlay mag sulat sa Ilonggo, sang naka ubra ako isa ka tula, nalipay gid takun! Hahaha! :D

Naka base sa tuod nga kabuhi. :) Natabo ini isa ka hapon sang gapa puli kami sang tiyo ko halin sa Rm9.